Fólkatalið vaks við 915 síðsta árið

Fólkatalið var 51.237 tann 1. novembur. Tað vaks við 915 fólkum ella 1,8% í 12-mánaðarskeiðinum 1. novembur 2017 – 1. novembur 2018. Tað kemur av einum burðaravlopi á 270 og nettotilflyting á 645. Samanborið við undanfarna 12-mánaðarskeiðið er burðaravlopið 34 minni, men tað er meir enn uppvigað av, at nettotilflytingin er 238 størri.

Fólkatalið var 51.237 tann 1. novembur. Tað vaks við 915 fólkum ella 1,8% í 12-mánaðarskeiðinum 1. novembur 2017 – 1. novembur 2018. Tað kemur av einum burðaravlopi á 270 og nettotilflyting á 645. Samanborið við undanfarna 12-mánaðarskeiðið er burðaravlopið 34 minni, men tað er meir enn uppvigað av, at nettotilflytingin er 238 størri.

[px-graph-1]

Størsti vøkstur í Tórshavnarøkinum og Eysturoy

Landafrøðiliga var munandi fólkavøkstur í øllum sýslum uttan Sandoyar og Suðuroyar. Bæði í tali og lutfalsliga var nógv størsti vøksturin í Tórshavnarøkinum og Eysturoyar sýslu við ávikavist 2,5 og 2,4%.

Í Tórshavnarøkinum búgva knappliga 20.000 fólk, ið er 38% av fólkatalinum í Føroyum. Men vøksturin hetta 12-mánaðarskeiðið á 473 fólk svarar til 52% av øllum fólkavøkstrinum.

Í Eysturoy búgva 11.500 fólk, ið er 22% av fólkatalinum. Men vøksturin her, ið var 266 fólk, svarar til 29% av fólkavøkstrinum fyri alt landið.

Hinvegin búgva stívliga 6.000 fólk í Norðoyggjum, ið er 12% av fólkatalinum, men vøksturin her á 74 fólk svarar til 8% av øllum fólkavøkstrinum.

Í Streymoyar sýslu uttan høvuðsstaðin og í Vága sýslu svarar vøksturin umleið til miðalvøksturin fyri alt landið.

Bæði í Sandoyar og Suðuroyar sýslum er ein minking í fólkatalinum við 0,5%.

PX Web Graph News
Beta.hagstova.fo | Gev gætur. Hetta er ein royndarútgáva, og tilfarið á síðuni er tí ikki eftirfarandi.