Arbeiðsloysi

Arbeiðsleys eru persónar, sum ikki hava nakað arbeiði, eru fult tøk á arbeiðsmarknaðinum og eru virkin arbeiðssøkjandi.

Hugtøk:

  • Arbeiðsleys eru persónar millum 16-66 ár, sum eru skrásettir sum arbeiðsleysir hjá ALS og Almannaverkinum.
  • Rakt av arbeiðsloysi er talið á øllum persónum, sum hava verið arbeiðsleysir ein dag ella fleiri í mánaðinum.
  • Fulltíðararbeiðsloysi er talið av teimum, sum eru rakt av arbeiðsloysi, umroknað til fulltíðararbeiðsloysi. Til dømis telja tveir persónar, sum hava verið arbeiðsleysir í ein hálvan mánað hvør, sum ein fulltíðararbeiðsleysur persónur. 
  • Arbeiðsloysisprosent er fulltíðararbeiðsloysið í % av arbeiðsfjøldini.
  • Arbeiðsfjøld er her altjóða mát, sum telur partin av fólkinum millum 16-66 ár, ið kunna veita arbeiðsmegi.
  • Trendurin lýsir rákið í arbeiðsloysinum við at reinsa fyri árstíðarfrávik og aðrar tilvildarligar broytingar í arbeiðsloysinum.
  • Árstíðarjavnað tøl eru reinsað fyri árstíðarfrávik, sum t.d. afturvendandi broytingar í virksemi millum árstíðirnar.

Sí eisini síðurnar Arbeiðsfjøld, Løntakarar og Lønargjaldingar.

Um endamálið er at gera altjóða samanberingar av arbeiðsloysi, eru tað tey árligu tølini úr arbeiðsfjøldarkanningini, ið skulu brúkast. 

Hví eru arbeiðsloysistølini tveir mánaðir afturúr?

Orsøkin til, at arbeiðisloysistølini eru umleið tveir mánaðir afturút, er, at fleiri seinkaðar skrásetingar um tey arbeiðsleysu verða gjørdar eftir at uppgjørdi mánaðurin er liðugur. Fyri fáa tær flestu rættingarnar við verður bíðað góðar tveir mánaðir, so at uppgerðin verður so rættvísandi sum gjørligt.

Rotate phone
Snara telefonini á, so síggjast grafarnir betri